پشاور، بی ڈی ایس نے بس اڈے کے قریب بم ناکارہ بنا دیا

شیعہ نیوز (پاکستانی شیعہ خبر رساں ادارہ)صوبہ خیبر پختونخوا کے دارالحکومت پشاور کے حاجی کیمپ بس اڈے کے قریب تکفیری دہشتگردوں کی جانب سے نصب کیئے جانے والے 3 سے 4 کلو بارودی مواد بم ڈسپوزل اسکواڈ (بی ڈی ایس) نے ناکارہ بنا دیا. بی ڈی ایس ذرائع کے مطابق 3 سے 4 کلوگرام بارودی مواد کو ریموٹ کنٹرول ڈیٹونیٹر سے جوڑ کر بس اسٹینڈ کے قریب سڑک کے ساتھ نصب کیا گیا تھا. دوسری جانب پولیس نے علاقے سے ایک مشکوک شخص کو بھی حراست میں لینے کا دعویٰ کیا. گذشتہ روز چارسدہ کی باچا خان یونیورسٹی پر تکفیری دہشت گردوں کے حملے کے بعد صوبے بھر میں سیکیورٹی فورسز کے سرچ آپریشنز جاری ہیں