وزیراعلی سندھ نے امجد صابری قتل اور اویس شاہ کے اغوا پر جے آئی ٹی کی منظوری دے دی

شیعہ نیوز ( پاکستانی شیعہ خبر رساں ادارہ )وزیراعلی سندھ سید قائم علی شاہ نے امجد صابری قتل اور اویس شاہ کے اغوا کے معاملے پر جوائٹ انوئسٹی گیشن ٹیم (جے آئی ٹی) کی منظوری دے دی ہے۔

ترجمان وزیراعلی ہاؤس کے مطابق وزیراعلی سندھ سید قائم علی شاہ نے امجد صابری قتل اور چیف جسٹس سندھ ہائیکورٹ جسٹس سجاد علی شاہ کے صاحبزادے اویس شاہ کے اغوا کے معاملے پر مشترکہ تحقیقاتی ٹیم (جے آئی ٹی) کی منظوری دے دی ہے۔ ترجمان کے مطابق مشترکہ تحقیقاتی ٹیم میں پولیس سمیت دیگر انٹیلی جنس ایجنسیوں کے افسران بھی شامل ہوں گے جب کہ ٹیم دونوں کیسوں میں اب تک گرفتار ہونے والے تکفیری دہشتگردوں سے تفتیش کرے گی۔