دہشتگردی کی تازہ لہر آپریشن ضرب عضب اور نیشنل ایکشن پلان پر سوالیہ نشان پیدا کرنے کی کوشش ہے، بلال سلیم قادری

شیعہ نیوز ( پاکستانی شیعہ خبر رساں ادارہ ) سربراہ سنی تحریک علامہ بلال سلیم قادری نے کہا کہ سیہون شریف لعل شہباز قلندر کے مزار پر ہونے والے دھماکے کی بھرپور مذمت کرتے ہیں، حکومت وقت فوری طور پر تمام مزارات کہ فول پروف سیکیورٹی فراہم کرے، دہشت گردی کی تازہ لہر آپریشن ضرب عضب اور نیشنل ایکشن پلان پر سوالیہ نشان پیدا کرنے کی کوشش ہے۔ انہوں نے مطالبہ کیا کہ رینجرز کراچی کی طرح پورے ملک میں آپریشن شروع کرے۔ انہوں نے کہا کہ نا اہل محکمہ اوقاف تحلیل کرکے اہلسنت علماء پر نیا بورڈ تشکیل دیا جائے جو مزارات کی مناسب سیکیورٹی کا انتظام کرے۔