سانحہ مچھ کو 3برس بیت گئے، ایک بھی قاتل گرفتار نہ ہوا
شیعہ نیوز: مچھ بلوچستان میں تین سال قبل 10 ہزارہ شیعہ مومنین کو بےجرم و خطا ہاتھ پاؤں باندھ کر تیز دھار آلے سے ان کےگلے کاٹے گئے تھے۔
رپورٹ کے مطابق 3 جنوری 2021ء کی درمیانی شب کول مائن کمپنی مچھ بلوچستان میں کان کنی کرنے والے کانکن ہفتے کی رات کانکنی کرنے کے بعد اپنے کمرے میں سو رہے تھے کہ ہفتے اتوار کی درمیانی شب 20 سے 25 دہشت گردوں نے کمرے کو گھیرے میں لے لیا۔
یہ بھی پڑھیں : انصار الله یمن کی جانب سے صالح العاروری کی ٹارگٹ کلنگ کی شدید مذمت
کانکنوں کی اسلحے کے زور پر شناخت کے بعد ان کے ہاتھ پاؤں باندھے اور تیز دھار آلے سے انہیں شہید کردیا گیا تھا اور رات کی تاریکی میں پیدل ہی پہاڑی علاقے میں فرار ہوگئے تھے۔
اس سانحے کے بعد لواحقین اور مومنینِ کوئٹہ نے اختر آباد ہائے وے کوئٹہ پر دھرنا دیا تھا۔ جس کے نتیجے میں پاکستان بھر کے مومنین نے اظہار یکجہتی کرتے ہوئے مختلف شہروں میں دھرنے دیئے تھے۔
دھرنے مطالبات کی منظوری تک سات روزتک کوئٹہ اور ملک کے بڑے شہروں میں احتجاج کیا گیا تھا۔
سانحہ کو تین سال گزر گئے مگر قاتلوں کو گرفتار نہیں کیا گیا۔
