کراچي میں سکیورٹی اہلکاروں نے 30 سے زائد مشتبہ دہشت گردوں کو گرفتار کرلیا

شیعہ نیوز (کراچی) شہر قائد کراچی کے علاقے ایف سی ایریا اور کٹی پہاڑی میں پولیس نے سرچ آپریشن کے دوران مفرور دہشت گردوں سمیت 31 مشتبہ افراد کو گرفتار کرلیاہے۔

ذرائع کے مطابق شہر کراچی کے علاقے ایف سی ایریا اور کٹی پہاڑی میں پولیس نے سرچ آپریشن کے دوران مفرور دہشت گردوں سمیت 31 مشتبہ افراد کو گرفتار کرلیاہے۔ایس ایس پی سینٹرل نعمان صدیقی کے مطابق ایف سی ایریا میں پولیس نے سرچ آپریشن کے دوران مفرور دہشت گردوں سمیت 9 افراد کو حراست میں لیا ، جن سے تفتیش جاری ہے، جبکہ ایس پی گلبرگ اسد چوہدری کی سربراہی میں گلبرگ ڈویژن کے مختلف تھانوں کی پولیس نے کٹی پہاڑی کا محاصرہ کرکے سرچ آپریشن کیا اور 22 مشتبہ افراد کو حراست میں لے لیا۔