پاکستانی سیکیورٹی فورسز اور دہشت گردوں میں فائرنگ 7 دہشت گرد ہلاک

شیعہ نیوز: پاکستان کے صوبے بلوچستان کے ضلع ژوب میں پاکستان اور افغانستان کی سرحد کے قریب سیکیورٹی فورسز نے انٹیلی جنس بنیادوں پر آپریشن کیا جس کے دوران فائرنگ کے تبادلے میں 7 دہشت گرد ہلاک ہوگئے۔

آئی ایس پی آر کے مطابق 22 جنوری کو پاکستان اور افغانستان کی سرحد کے قریب ضلع ژوب کے سمبازہ سیکٹر میں آپریشن کے دوران فائرنگ کا تبادلہ ہوا جس کے دوران 7 دہشت گرد ہلاک ہو گئے۔

یہ بھی پڑھیں : صہیونیوں کا نیتن یاہو کی رہائشگاہ کا محاصرہ، کابینہ کے خلاف شدید نعرے بازی

آئی ایس پی آر کے مطابق دہشت گرد سیکیورٹی فورسز کے خلاف دہشت گردانہ سرگرمیوں کے ساتھ ساتھ معصوم شہریوں کے قتل میں بھی ملوث تھے، ہلاک دہشت گردوں سے اسلحہ، گولہ بارود اور دھماکہ خیز مواد بھی برآمد ہوا ہے۔