کراچی کے علاقے منگھو پیر میں پولیس مقابلہ،2 تکفیری دہشت گرد ہلاک

شیعہ نیوز ( پاکستانی شیعہ خبر رساں ادارہ ) کراچی: منگھو پیر میں مبینہ پولیس مقابلے میں 2 تکفیری دہشت گرد ہلاک جب کہ دہشت گردوں کی فائرنگ سے ایک پولیس اہلکار بھی زخمی ہوگیا۔ نجی نیوزچینل کے مطابق کراچی کے علاقے منگھو پیر میں پاکستان ہوٹل کے قریب پولیس نے دہشت گردوں کی خفیہ اطلاع چھاپا مارا جس پر وہاں موجود دہشت گردوں نے پولیس ٹیم پر فائرنگ کردی جب کہ پولیس کی جوابی فائرنگ کے نتیجے میں 2مبینہ دہشت گرد ہلاک ہوگئے۔ ایس ایس پی ویسٹ کے مطابق دہشت گردوں سے مقابلے میں ایک پولیس اہلکار بھی زخمی ہوا جس کو اسپتال منتقل کردیا گیا ہے جب کہ پولیس نے علاقے کو گھیرے میں لےکر سرچ آپریشن شروع کردیا ہے۔ پولیس کے مطابق ہلاک دہشت گردوں کا تعلق کالعدم تحریک طالبان سوات سے ہے جب کہ ان کے قبضے سے اسلحہ اور دستی بم بھی برآمد ہوئے۔