شیعہ سنی علما کا وفد ایران و عراق کی زیارات کیلیے روانہ
بلوچستان سے تعلق رکھنے والے جید شیعہ سنی علماء کا ایک20 رکنی وفد زیارات مقامات مقدسات کیلئے قم المقدس ایران پہنچ گیا ہے
شیعہ نیوز (پاکستانی شیعہ خبر رساں ادارہ) پاکستان سے شیعہ سنی علماء کرام کا وفد علامہ ہاشم موسوی کی قیادت میں مقامات مقدسہ کی زیارات کیلیے روانہ ہوگیا ہے۔
اطلاعات کےمطا بق کوئٹہ بلوچستان سے تعلق رکھنے والے جید شیعہ سنی علماء کا ایک20 رکنی وفد زیارات مقامات مقدسات کیلئے قم المقدس ایران پہنچ گیا ہے۔ جہاں انہوں نے حضرت بی بی معصومہ سلام اللہ علیہا کی زیارت کا شرف حاصل کیا۔۔
واضح رہے کہ اس وفد میں مجلس وحدت مسلمین پاکستان کے مرکزی رہنما و امام جمعہ کوئٹہ علامہ سید ہاشم موسوی سمیت قاری عبد الحق ہاشمی صوبائی امیر جماعت اسلامی، مولاناانوار الحق حقانی امام جمعہ اہل سنت، ڈاکٹر عطاء الرحمٰن نائب امیر جماعت اسلامی بلوچستان، قاری عبد الرشید ممبر اسلامی نظریاتی کونسل پاکستان، مولانا سیدنقیب اللہ ممتاز سنی عالم دین، قاری حفیظ سینئررکن جماعت اسلامی، مفتی سنزر سعید سینئررکن جمعیت علماء اسلام، مفتی جان محمد قاسمی صوبائی جنرل سیکریٹری جمعیث علما پاکستان، غلام فاروق سینئر رکن جماعت اسلامی و دیگر علماء کرام شامل ہیں ۔
وفد ایران میں زیارات مکمل کرنے کے بعد زیارات مقامات مقدسہ کیلئے کربلا معلی و نجف الاشرف بھی جائے گا۔
