سعودی عرب کابل میں اپنا سفارتخانہ دوبارہ کھولے گا، ذبیح اللہ مجاہد

شیعہ نیوز: افغانستان میں طالبان حکومت کے ترجمان ذبیح اللہ مجاہد کا کہنا ہے کہ سعودی عرب کابل میں اپنا سفارتخانہ کھولنے والا ہے۔

رپورٹ کے مطابق افغانستان کی طالبان حکومت کے ترجمان ذبیح اللہ مجاہد نے ایکس پیج پر لکھا ہے کہ سعودی عرب افغانستان میں اپنا سفارتخانہ کھولنے کا ارادہ رکھتا ہے۔

یہ بھی پڑھیں : اسرائیلی فوج کی وحشیانہ جارحیت 114 فلسطینی شہید و زخمی

دوحہ اجلاس کے موقع پر تین نمائندوں نے سعودی عرب کے نمائندے سے ملاقات کی ہے۔

ذبیح اللہ مجاہد کے مطابق سعودی عرب، کابل میں اپنا سفارتخانہ بحال کرنے کے ساتھ ساتھ افغانستان کی حکومت کے ساتھ خوشگوار تعاون کا خواہاں ہے اور کابل ریاض کو خاص نگاہ سے دیکھتا ہے۔

واضح رہے کہ کابل میں سعودی عرب نے فروری دو ہزار تئیس میں اپنے سفارتکاروں کی سیکورٹی پر تشویش کا اظہار کرتے ہوئے سفارتخانہ بند کر دیا تھا۔