منفرد انقلابی مقررآغا نقی ہاشمی کو دل کادورہ ،مومنین سےدعاؤں کی اپیل

شیعہ نیوز (پاکستانی شیعہ خبر رساں ادارہ) نوجوانوں کے ہردلعزیز انقلابی مقرر و خطیب اور معروف مذہبی اسکالر آغا نقی ہاشمی کو ہارٹ اٹیک ہواہے، انہیں اسلام آباد کے ایک نجی اسپتال میں منتقل کیا گیا ہے ۔ ذرائع کے مطابق انہیں شدید نوعیت کا دل کا دورہ پڑا ہے، تمام مومنین ومومنات سے ان کی صحت وسلامتی کیلئے خصوصی دعا کی اپیل کی گئی ہے۔

تفصیلات کے مطابق کراچی سے تعلق رکھنے والے معروف عالم دین اور مولانا نقی ہاشمی جوکہ مجالس عزا سے خطاب کیلئے اسلام آباد میں موجود تھے انہیں کچھ دیر قبل دل کا دورہ پڑا ہے ، ذرائع کے مطابق انہیں پہلے شفاءانٹرنیشنل اسپتال لیے جایا گیا جہاں ڈاکٹرز نے انہیں ابتدائی طبی امداد فراہم کرنے کے بعد اے ایف آئی سی منتقل کرنے کی ہدایت کی ہے۔

یہ خبر بھی پڑھیں تفتان بارڈر سے لاپتہ ہونے والےعلامہ مظہر کاظمی بازیاب، بحفاظت گھر پہنچ گئے

ان کے قریبی ذرائع نے کہا ہے کہ آغا نقی ہاشمی کو شدید نوعیت کا ہارٹ اٹیک ہواہے، ان کی حالت اس وقت خطرے میں ہے ، تمام مومنین ومومنات اور عتبات عالیہ میں مقیم علمائے کرام اور طلاب دینیہ سےان کی جلد مکمل صحت یابی کی دعا کی التماس ہے ۔