اسلامی تحریکیںپاکستانی شیعہ خبریںہفتہ کی اہم خبریں

اہل سنت اکابرین ناصبیوں کی آل رسولؑ دشمن سرگرمیوں پر نظر رکھیں

شیعہ نیوز (پاکستانی شیعہ خبر رساں ادارہ) مجلس وحدت مسلمین پاکستان کے مرکزی ترجمان علامہ مقصود علی ڈومکی نے کہا ہےکہ شیعہ اور سنی اسلام کے دو بازو ہیں اور ہم دونوں مل کر رسول اسلام سید الانبیاءؐ سے اپنی محبت عقیدت اور عشق کا اظہار کرتے ہیں۔ اہل سنت ناصبی ٹولے کی آل رسول سے دشمنی پر مبنی سرگرمیوں پر نظر رکھیں۔

سلسلہ نقشبندیہ کے پیرطریقت خواجہ محمد بشیر کے زیراہتمام شیر آباد محلہ جیکب آباد میں سالانہ محفل میلاد منعقد ہوئی۔محفل میلاد سے خطاب کرتے ہوئے مجلس وحدت مسلمین پاکستان کے مرکزی ترجمان علامہ مقصود علی ڈومکی نے کہا کہ شیعہ اور سنی اسلام کے دو بازو ہیں اور ہم دونوں مل کر رسول اسلام سید الانبیا سے اپنی محبت عقیدت اور عشق کا اظہار کرتے ہیں۔ انہوں نے کہا کہ مسلمان متحد ہوکر غاصب اسرائیل کے خلاف اور فلسطین اور قبلہ اول اور کشمیر کی آزادی کے لئے جدوجہد کریں۔

یہ خبر بھی پڑھیں سفیر عزاسید ندیم رضا سرور نے پاکستان آنے کا اعلان کردیا

انہوں نے کہا کہ مسلمانوں کے درمیان اتحاد اور وحدت بہت ضروری ہے کشمیر اور فلسطین کی آزادی اتحاد امت کے ذریعے ہی ممکن ہے عالمی سامراجی قوتیں مسلمانوں کے درمیان اختلاف اور انتشار کو ہوا دے رہی ہیں ۔انہوں نے کہا کہ اہل سنت کے علماء اکابرین اور پیران طریقت نے ہمیشہ آل رسول سے محبت اور مودت کا درس دیا ہے ۔

سلسلہ نقشبندیہ کے پیر حضرت خواجہ محمد بشیر مرحوم حضرت مولا علیؑ مشکل کشا کے ساتھ خصوصی عقیدت رکھتے تھے اسی لیے فضائل اہل بیتؑ و پنجتن ؑپاک کی محافل منعقد کرکے شیعہ علما کو خطاب کی دعوت دیتے تھے اور فضائل علی ؑو فضائل اہلبیتؑ سن کر اپنے مریدوں کا ایمان تازہ کرتے تھے۔اس موقع پر محفل میلاد میں نعت خوانوں نے حضور سرور کائناتﷺ اور اہل بیت ؑاطہار کی شان میں نعت اور قصیدے بیان کیے گئے۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button