علامہ راجہ ناصرعباس کا معروف صحافی پرویز شوکت صاحب کے انتقال پر اظہار تعزیت

شیعہ نیوز: چیئرمین مجلس وحدت مسلمین پاکستان علامہ راجہ ناصرعباس جعفری نے اپنے تعزیتی پیغام میں کہا ہے کہ سینیئر صحافی اور پاکستان فیڈرل یونین آف جرنلسٹ ورکرز کے صدر جناب پرویز شوکت صاحب کے انتقال پر بہت افسوس ہوا۔

یہ بھی پڑھیں : ٹی ٹی پی کے اہم کمانڈر سمیت 11 دہشت گرد گرفتار

پرویز شوکت صاحب روزنامہ جنگ سے وابستہ تھے اور تقریبا نصف صدی سے صحافیوں اور میڈیا ورکرز کے حقوق کیلئے بے مثل جدوجہد کرتے رہے۔ آپ پر سوز آواز کے مالک اور مدح خواں اہلبیت تھے۔

شوکت پرویز کی رحلت پر پاکستان کی صحافی برادری سمیت خصوصاََ ان کے لواحقین کو تعزیت و تسلیت پیش کرتا ہوں۔

خداوند متعال مرحوم کی مغفرت فرمائے اور پسماندگان کو صبر جمیل عطا فرمائے۔