آئی ایس او کی خدمت مہم جاری، کراچی پریس کلب میں اینٹی کورونا سپرے کیا گیا

شیعہ نیوز (پاکستانی شیعہ خبر رساں ادارہ) آئی ایس او کراچی ڈویژن اور امامیہ اسکائوٹس کی جانب سے کراچی شہر میں کورونا وائرس سے عوام کو بچانے کے لئے خدمت مہم جاری و ساری ہے جس کو عوام میں بھی خوب سراہا گیا ہے۔

اس حوالے سے گفتگو کرتے محمد عباس صدر آئی ایس او کراچی کا کہنا تھا کہ خدمت مہم کے اس سلسلے کو جاری رکھتے ہوئے پریس کلب پراینٹی کورونا اسپرے کیا گیا۔ اس موقع پر صحافی برادری کا کہنا تھا کہ ہم آئی ایس او کے اس اقدام کو سراہتے ہیں۔

ان کا مزید کہنا تھا کہ جب بھی قوم پر کوئی مشکل پڑی آئی ایس او نے ہمیشہ قوم کو سہارا دیا۔ یاد رہے کہ جب بھی مملکت خداداد پاکستان کو کسی مشکل کا سامنا کرنا پڑا ہے، امامیہ اسٹوڈنٹس آرگنائزیشن پاکستان نے ہر اس گھڑی میں حکومتِ پاکستان اور اس کی عوام کو تنہا نہیں چھوڑا اور اپنے تمام وسائل بروئے کار لاتے ہوئے اس ملک کی خدمت کی ہیں۔