مقبوضہ فلسطین میں صیہونی ہدف پر عراقی استقامتی تنظیم کا حملہ
شیعہ نیوز: عراق کی اسلامی استقامتی تنظیم نے منگل کی رات اعلان کیا ہے کہ اس نے گزشتہ دنوں قلب مقبوضہ فلسطین میں ایک صیہونی ہدف کو میزائل سے نشانہ بنایا۔
المیادین نے رپورٹ دی ہے کہ عراق کی اسلامی استقامتی تنظیم نے منگل کی رات اعلان کیا ہے اس نے گزشتہ دنوں قلب مقبوضہ فلسطین میں صیہونی ہدف پر میزائل داغا ہے۔
یہ بھی پڑھیں : غزہ میں حاصل ہونے والی کامیابیاں کسی منصوبہ بندی کے فقدان کی وجہ سے زائل ہو رہی ہیں
اس رپورٹ کے مطابق اس حملے میں الارقب نامی جدید کروز میزائل سے حملہ کیا گیا۔
قابل ذکر ہے کہ غزہ کے خلاف صیہونی حکومت کی وحشیانہ جارحیت شروع ہونے کے بعد سے ہی علاقے کی اسلامی استقامتی تنظیموں نے غزہ کے مظلوم عوام کی حمایت میں غاصب صیہونی حکومت کے اہداف پر تسلسل کے ساتھ حملے کئے ہیں۔
چونکہ غزہ پر وحشیانہ حملوں میں غاصب صیہونی حکومت کو امریکہ کی بھر پور حمایت حاصل ہے اور یہ ناجائز حکومت امریکہ کے دیئے ہوئے ہزاروں ٹن بم مظلوم فلسطینی عوام پر برسا چکی ہے، اس لئے عراق کی اسلامی استقامتی تنظیم نے عراق اور شام میں امریکہ کے فوجی اڈوں پر بھی میزائل اور ڈرون حملے کئے ہیں۔
