سفیر انقلاب شہید ڈاکٹر محمد علی نقوی کی 30ویں برسی 8 مارچ کو منائی جائے گی

شیعہ نیوز: سفیر انقلاب شہید ڈاکٹر محمد علی نقوی کی 30ویں برسی 8 مارچ کو منائی جائے گی۔ اس حوالے سے 8 مارچ کو لاہور میں خصوصی تقریب کا انعقاد کیا جائے گا۔ مرکزی جنرل سیکرٹری آئی ایس او پاکستان حیدر عباس کے مطابق برسی کی تقریب میں لاہور و مضافات سے امامیہ اسٹوڈنٹس آرگنائزیشن پاکستان سے منسلک طلبا، شہید ڈاکٹر کے عزیز و اقربا اور شہید کی سیاسی، تنظیمی، تعلیمی اور نہضتی جدوجہد میں شامل رہنے والے رفقاء اور قومی تنظیموں کے رہنما و ملت جعفریہ کے عمائدین شریک ہوں گے۔

یہ بھی پڑھیں : علامہ شبیر حسن میثمی کی جامعہ امام صادق ؑ کوئٹہ میں علامہ محمد جمعہ اسدی سے ملاقات

برسی کی تقریب میں شہید کے افکار پر روشنی ڈالی جائے گی، ان کی ملت کیلئے خدمات پر انہیں خراج عقیدت پیش کیا جائے گا۔ برسی کی مرکزی تقریب شہید کے مزار علی رضا آباد رائیونڈ روڈ پر ہوگی۔ تقریب کا آغاز سکاوٹ سلامی سے ہوگا، جس کے بعد باقاعدہ تقریب میں علمائے کرام، عمائدین ملت اور سابق تنظیمی عہدیدار اظہار خیال کریں گے۔