کوئٹہ، سی ٹی ڈی نے کالعدم لشکر جھنگوی کے 4 دہشتگرد ہلاک کردیے

شیعہ نیوز (پاکستانی شیعہ خبر رساں ادارہ) کوئٹہ سے ملحقہ علاقے مارواڑ میں سی ٹی ڈی پولیس کی کارروائی کے دوران فائرنگ کے تبادلے میں ملک دشمن کالعدم لشکرجھنگوی کے 4 دہشتگرد مارے گئے جبکہ 6 فرار ہو گئے۔

ترجمان سی ٹی ڈی کوئٹہ کے مطابق کوئٹہ سے ملحقہ علاقے مارواڑ میں سی ٹی ڈی پولیس کی کارروائی کے دوران فائرنگ کے تبادلے میں 4 دہشتگرد مارے گئے جبکہ ان کے 6 ساتھی فرار ہونے میں کامیاب ہو گئے۔

یہ خبر بھی پڑھیں افغان امن عمل ایک انتہائی نازک مرحلے میں داخل ہو چکا ہے۔شاہ محمود قریشی

ترجمان کے مطابق دہشت گردوں کی موجودگی کی خفیہ اطلاع پرآپریشن کیا گیا، کئی گھنٹے جاری رہنے والے آپریشن کے بعد دہشت گردوں کے زیر استعمال کمپاونڈ کی تلاشی کا عمل مکمل کرلیا گیا ہے، کمپاونڈ سے بھاری مقدار میں اسلحہ اور گولا بارود بھی برآمد ہوا، ترجمان کے مطابق دہشت گرد گزشتہ ایک ماہ سے فورسز پر حملوں میں ملوث رہے ہیں۔