طوباس میں بم دھماکے کے نتیجے میں چار اسرائیلی فوجی زخمی
شیعہ نیوز: قابض اسرائیلی فوج نے بدھ کی شام اعتراف کیا کہ اس کے چار فوجی شمالی مغربی کنارے میں طوباس پر دھاوے کے دوران اس وقت زخمی ہو گئے ہیں جبکہ ان گاڑی سڑک کے کنارے نصب بم پھٹنے سے تباہ ہو گئی۔
قابض اسرائیلی فوج کے اعلامیے کے مطابق طوباس میں بدھ کی صبح کی گئی فوجی کارروائی کے دوران ان کی گاڑی دھماکہ خیز مواد پھٹنے سے تباہ ہو گئی جس میں دو فوجی معمولی زخمی ہوئے اور دو فوجی دیگر واقعات میں زخمی ہوئے۔
یہ بھی پڑھیں : دشمن کی نفسیاتی جنگ کے خلاف استقامت دکھانے کی ضرورت ہے، رہبر معظم انقلاب
قابض اسرائیلی فوج کے ایک اعلان کے مطابق اس نے گذشتہ روز طوباس میں فلسطینی مزاحمت کاروں کے ایک گروپ پر ڈرون سے حملہ کیا جس کے نتیجے میں چار فلسطینی شہید ہوگئے۔
شہید ہونے والوں میں ایک سابق اسیر فائز ابو عامر دراغمہ بھی شامل ہیں جنہیں اسرائیلی فوج نے ان کے گھرمیں گھس کر گولیاں مار کر شہید کیا۔
