آرمی چیف جنرل قمر باجوہ کی کور ہیڈکوارٹرز پشاور آمد، جنرل فیض نے استقبال کیا
شیعہ نیوز (پاکستانی شیعہ خبر رساں ادارہ) آرمی چیف جنرل قمر جاوید باجوہ نے کور ہیڈ کوارٹرز پشاور کا دورہ کیاجہاں کور کمانڈر پشاور لیفٹیننٹ جنرل فیض حمید نے آرمی چیف کا استقبال کیا۔آرمی چیف کو سکیورٹی صورتحال اور نئے ضم ہونے والے اضلاع میں ترقیاتی کاموں کی پیشرفت پر تفصیلی بریفنگ دی گئی۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف نے نئے انضمام ہونے والے اضلاع میں سماجی و اقتصادی ترقی کے منصوبوں کی تکمیل کے لیے سازگار ماحول فراہم کرنے پر سکیورٹی فورسز کی تعریف کی اور کہا کہ علاقے کے پائیدار استحکام اور پائیدار ترقی کے لیے ضروری ہے۔
یہ خبر بھی پڑھیں اسلام آباد بڑی تباہی سے بچ گیا، ٹی ٹی پی کے دہشتگرد بارود سمیت گرفتار
آرمی چیف نے کہا کہ انتہاء پسندی کا مقابلہ کرنے اور دہشت گردی کو فیصلہ کن شکست دینے کے لیے پوری قوم کے نقطہ نظر اور متحد ردعمل کی ضرورت ہے۔ بعدازاں آرمی چیف نے کیپٹن سعد بن عامر شہید اور ایل این کے محمد عرفان کی نماز جنازہ میں شرکت کی۔ آرمی چیف نے کہا کہ شہداء کی قربانیاں رائیگاں نہیں جائیں گی اور پاکستان میں مکمل امن واپس آئے گا۔
