حکومت اور ریاستی ادارے سیکیورٹی کے معاملات کو بہتر بنائیں

شیعہ نیوز (پاکستانی شیعہ خبر رساں ادارہ) ہیئت آئمہ مساجد امامیہ کا اجلاس المہدی سینٹر انچولی سوسائٹی فیڈرل بی ایریا میں مولانا محمد حسین مسعودی کی صدارت میں منعقد ہوا، جس میں شیعہ و سنی علماء کرام نے بھرپور شرکت کی اور اس بات کا اظہار کیا کہ ملت اسلامیہ کا اتحاد وقت کی ضرورت ہے کیونکہ اس وقت اسلام دشمن قوتیں ہمارے خلاف منظم سازشیں کررہی ہیں۔

پاکستان اسلام کا قلعہ ہے، جان دے کر اس کی حفاظت کریں گے یہ خبر بھی پڑھیں

شرکاء نے کہا کہ حکومت اور ریاستی ادارے سیکیورٹی کے معاملات کو بہتر سے بہتر بنائیں ، رمضان کی آمد ہے اس میں روزہ داروں اور نمازیوں کی حفاظت کیلئے بہتر انتظامات ہوں۔

اجلاس میں مولانا رجب علی بنگش، مولانا مختار حسین ثقفی، مولانا خلیل احمد کمیلی، مولانا مفتی عزیر خان مدرسہ حسان بن ثابت خیر آباد اورنگی ٹاؤن کے علاوہ مولانا شاہ فیروز الدین رحمانی اور حافظ مفتی عبدالمجید شریک ہوئے ۔