بے گناہ اسیروں کو فوری رہا کیا جائے، ورنہ حالات کی ذمہ دار انتظامیہ ہوگی، علامہ اعجاز بہشتی

شیعہ نیوز:مجلس وحدت مسلمین کے مرکزی ڈپٹی جنرل سیکرٹری علامہ اعجاز حسین بہشتی نے سکردو یادگار شہداء پر اسیران کی فیملی کی جانب سے گلگت میں جاری دھرنے سے اظہار یکجہتی کرتے ہوئے کہا کہ حکومت اور انتظامیہ ہوش کے ناخن لیں، گلگت میں اسیران کی فیملی کی جانب سے پرامن دھرنا جاری ہے، سکردو میں میں بھی دو دن سے مسلسل علامتی دھرنا دیا جارہا ہے لہذا حالات مزید خراب ہونے سے پہلے بے گناہ اسیروں کو فوری رہا کیا جائے۔ علامہ اعجاز حسین بہشتی کا مزید کہنا تھا کہ ماہ محرم الحرام سے پہلے یہ مسئلہ حل ہونا چاہیے، بصورت دیگر ہم مجالس کا مقام تبدیل کر دیں گے۔ اگر کوئی مجرم ہے تو اس کے خلاف قانونی اور فوری کاروائی ہونی چاہیے۔ بے گناہ افراد کو بے بنیاد الزامات کے تحت قید میں رکھنا کہاں کا قانون ہے؟ ہم حکومت اور انتظامیہ سے ایک دفعہ پھر کہتے ہیں کہ گلگت میں بے گناہ اسیروں کے خانوادوں کے جو بھی جائز مطالبات ہیں اُنہیں فی الفور قبول کیا جائے اور مظلومین کی آواز کو دبانے کا سلسلہ بند کیا جائے۔