مشرق وسطی

ایران کے دفاعی ساز و سامان دنیا کے برتر ملکوں میں شامل

شیعہ نیوز (پاکستانی شیعہ خبر رساں ادارہ) سپاہ پاسداران انقلاب اسلامی کی ایرو اسپیس فورس کے کمانڈر نے کہا ہے کہ اس وقت مختلف قسم کی جدید ترین ٹیکنالوجی ملت ایران کے جوانوں کی بنائی ہوئی ہے اور مقامی ساخت کی ٹیکنالوجی نے ایران کو دنیا کے برتر ملکوں کی فہرست میں شامل کر دیا ہے۔

تہران میں خاتم الانبیا ایئر ڈیفنس کے حکام اور کمانڈروں کے اجلاس سے خطاب کرتے ہوئے بریگیڈیئر جنرل امیر علی حاجی زادہ نے کہا کہ اگر خاتم الانبیاء ایئر ڈیفنس کی تیس سالہ کوششیں اور اقدامات نہ ہوتی تو آج ہمیں صنعت، معدنیات، انرجی اور اقتصاد سمیت مختلف میدانوں میں وسیع پابندیوں کا سامنا کرنا ہوتا لیکن اس ادارے کی کوششوں کے نتیجے میں اس وقت بہت سی ظالمانہ پابندیاں نہ صرف ناکام ہوگئی ہیں بلکہ داخلی صلاحیتوں کے فروغ کے موقع میں تبدیل ہوگئی ہیں۔

جنرل حاجی زادہ نے کہا کہ سائنس و ٹیکنالوجی کی بے مثال صلاحیتوں اور ایران اسلامی کے انقلابی جوانوں کے عزم و محرکات کے سہارے، مسائل برطرف اور راستہ ہموار ہوگیا اور یہ ایک ایسا آئیڈیل ہے جو دوسرے میدانوں میں بھی نمونہ عمل بن سکتا ہے۔

سپاہ انقلاب اسلامی کے ایئر و اسپیس فورس کے کمانڈر نے کہا کہ مقدس دفاع کے دوران کے انقلابی، جہادی اور الہامی جذبے کے ذریعے دیگر میدانوں میں بھی کامیابی حاصل کی جا سکتی ہے۔

Tags
Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close