کراچی سے گرفتار داعشی دہشتگرد نے حیران کن انکشافات کردیئے

شیعہ نیوز (پاکستانی شیعہ خبر رساں ادارہ) کالعدم دہشتگرد تنظیم داعش کے گرفتار اہم دہشتگرد عبدالغنی عرف ابو منصورنے پاکستان میں دہشتگرد تنظیم کا اسلحہ چلانے کا تربیتی کیمپ ہونے کا انکشاف کیا ہے۔ گرفتار دہشتگرد کی جانب سے اہم انکشافات کے بعد قانون نافذ کرنے والے اداروں نے تحقیقات کا آغاز کر دیا ہے۔

تفصیلات کے مطابق گذشتہ روز کاؤنٹر ٹیررزم ڈپارٹمنٹ (سی ٹی ڈی) نے کارروائی کے دوران کراچی میں نادرن بائی پاس کے قریب سے داعش کے نیٹ ورک کا اہم دہشتگرد گرفتار کیا تھا۔

گرفتار دہشتگرد عبدالغنی عرف ابو منصور نے انکشاف کیا کہ داعش کا تربیتی کیمپ "پری جل” بلوچستان کے ضلع بولان میں واقع ہے، جہاں اسے 14 روزہ کیمپ میں پستول اور کلاشنکوف چلانا سکھائی گئی، جبکہ دہشتگرد نے وہاں اینٹی کرافٹ گن بھی دیکھی۔

یہ خبر بھی پڑھیں کراچی بڑی تباہی سے بچ گیا، داعش کا اہم دہشتگرد گرفتار

دوران تفتیش دہشتگرد نے بتایا کہ کیمپ میں عامر نامی دہشتگرد نے اسے پستول اور کلاشنکوف چلانا سکھائی، جبکہ وہاں سیکھنے کیلئے دیگر ساتھی بھی موجود تھے۔

گرفتار دہشتگرد نے مزید بتایا کہ اس نے سال 2020ء میں تربیت مکمل کی تھی۔ گرفتار دہشتگرد کی جانب سے اہم انکشافات کے بعدقانون نافذ کرنے والے اداروں نے تحقیقات کا آغاز کر دیا۔