کے پی کے حکومت گورنر کے ساتھ مل کر پاراچنار مسئلے پر بیٹھے، وزیر قانون اعظم تارڑ
وفاقی وزیرقانون اعظم نذیر تارڑ کا قومی اسمبلی میں اظہارخیال کرتے ہوئے کہنا تھا کہ پاراچنار میں جو کچھ ہو رہا ہے، پوری قوم اس پر رنجیدہ ہے
شیعہ نیوز: وفاقی وزیرقانون اعظم نذیر تارڑ نے مشورہ دیا ہے کہ خیبرپختونخوا حکومت گورنر کے ساتھ ملکر پارا چنار کے مسئلے پر بیٹھے۔ وفاقی وزیرقانون اعظم نذیر تارڑ کا قومی اسمبلی میں اظہارخیال کرتے ہوئے کہنا تھا کہ پاراچنار میں جو کچھ ہو رہا ہے، پوری قوم اس پر رنجیدہ ہے۔
پاراچنار مسئلے پر صوبائی حکومت کو وفاق نے ہر طرح کے تعاون کی یقین دہانی کرائی ہے۔ انہوں نے کہا کہ خیبرپختونخوا میں آل پارٹیر کانفرنس میں علی امین گنڈا پور نے شرکت نہیں کی۔
یہ بھی پڑھیں: خدارا کچھ کریں روڈ کھولیں، عوام مر رہے ہیں، انجینئر حمید حسین کا قومی اسمبلی میں خطاب
وزیر اعلیٰ خیبرپختونخوا وفاق کو خط، دھمکیاں دینے کے بجائے فوری امن و امان کے لیے اقدامات کریں۔
اعظم نذیر تارڑ کا مزید کہنا تھا کہ خیبرپختونخوا حکومت گورنر کے ساتھ ملکر پارا چنار کے مسئلے پر بیٹھے، آئینی فریم ورک میں امن و امان کا مسئلہ صوبائی معاملہ ہے۔
