محکمہ بلدیات محرم سے قبل صفائی ستھرائی پر توجہ دے، علامہ ناظر عباس

شیعہ نیوز:شیعہ علماء کونسل پاکستان کے مرکزی رہنماعلامہ ناظر عباس تقوی کا کہنا ہے کہ محکمہ بلد یات محرم سے قبل صفائی ستھرائی پر توجہ دے ، انتظامیہ کی نا اہلی کے باعث عوام سخت اذیت اور مشکلات کا شکار ہیں شہر بھر میں گندگی اور غلاظت کے انبار لگے ہوئے ہیں مختلف مقامات کے باہر کچرے اور گٹر کا پانی کھڑا ہوا ہے ایسا لگتا ہے کہ شہر کراچی کا کوئی پرسان حال نہیں جو ذمہ داریاں حکومت کے متعلقہ اداروں پر عائد ہوتی ہیں وہ انہیں پورا کرنے میں پوری طرح ناکام نظر آتے ہیں،ایک بیان میں انہوں نے کہا کہ کے الیکٹرک نے کراچی اور اندرون سندھ واپڈا نے تاریکی کے خیمے لگائے ہوئے ہیں بجٹ کے نام پر عوام کو مہنگائی کی بھینٹ چڑھا دیا گیا ۔