عمران انکل! باجوہ انکل! مجھے میرے بابا سے ملوا دیں

شیعہ نیوز (پاکستانی شیعہ خبر رساں ادارہ) شیعہ لاپتہ افراد کی بازیابی کے لیے ملتان پریس کلب کے سامنے کمسن بچوں نے احتجاجی مظاہرہ کیا، احتجاجی مظاہرے کی قیادت ملتان کے رہائشی لاپتہمعروف قانون دان یافث نوید ہاشمی کی بیٹے یعسوب ہاشمی نے کی۔

احتجاجی مظاہرے میں بچوں کی بڑی تعداد نے شرکت کی، جنہوں نے ہاتھوں میں رسیاں اور منہ پر کالی ٹیپ لگا کر حکام بالا، آرمی چیف، چیف جسٹس آف پاکستان اور وزیراعظم عمران سے انصاف کی اپیل کی، مظاہرے میں شریک پُرجوش بچوں نے اپنی حب الوطنی کے ثبوت کے طور قومی پرچم بھی اُٹھا رکھا تھا، بچوں نے پاکستان زندہ باد، پاک فوج زندہ اور کشمیری مسلمانوں کے حق میں بھی نعرے بازی کی۔

یہ خبر بھی پرھیں کراچی، 25 محرم کے مرکزی جلوس میں شیعہ لاپتہ افراد کیلئے احتجاج

میڈیا سے گفتگو کرتے ہوئے یافث نوید ہاشمی کے بیٹے یعسوب ہاشمی نے کہا کہ ’’عمران انکل میرے بابا کہاں ہیں، باجوہ انکل میرے بابا کہاں ہیں، مجھے اپنے بابا کی یاد آتی ہے، مجھے ان سے ملوا دیں، باجوہ انکل ہم سڑکوں پر انصاف مانگنے کیلئے نکل آئے ہیں یا ہمارے اسیروں کو بازیاب کرائیں یا پھر ہمیں بھی قید کرلیں۔‘‘

بچوں کی درد بھری آواز نے ماحول کو پُرنم کر دیا، مظاہرے میں شریک دیگر بچوں کا کہنا تھا کہ ہمیں بتایا جائے ہمارے اسیروں کا کیا قصور ہے؟ کیا ہم اس ملک کے پُرامن شہری نہیں ہیں؟، یا ہمارے اسیروں کو رہا کیا جائے یا پھر ہمیں بھی قید کر لیا جائے۔

واضح رہے کہ جوائنٹ ایکشن کمیٹی فار شیعہ مسنگ پرسنز کی کال پر ملتان، کراچی اور لاہور میں جبری طور پر لاپتہ افراد کی بازیابی کے لیے تحریک زور پکڑ رہی ہے جبکہ ملتان میں خانوادگان اسیران نے 29 ستمبر کو وزیر خارجہ شاہ محمود قریشی کے گھر کے سامنے احتجاجی دھرنے کی کال دے رکھی ہے۔