
سیلاب زدہ علاقوں میں امدادی سرگرمیوں کا دائرہ کار بڑھایا جا رہا ہے
شیعہ نیوز (پاکستانی شیعہ خبر رساں ادارہ) مجلس وحدت مسلمین پاکستان کے وائس چیئرمین علامہ احمد اقبال رضوی نے میڈیا سیل سے جاری بیان میں کہا ہے کہ سیلاب سے متاثرہ علاقوں میں عوامی مسائل کے حل کے لیے ہمارا ملک گیر امدادی آپریشن جاری رہے گا، عوامی خدمت کے جذبے سے سرشار ہمارے صوبائی صدور اپنی کابینہ اور انتھک کارکنان کے ساتھ متاثرہ علاقوں میں امدادی سرگرمیوں میں شب و روز مصروف عمل ہیں۔
المجلس ویلفیئر آرگنائزیشن کے تحت جاری امدادی آپریشن میں راشن ،صاف پانی اور خصوصاً وبائی امراض سے بچاؤ کیلئے ادویات کی فراہم سیمت خیمہ بستیوں کا قیام ہماری ترجحات میں شامل ہے۔ سیلاب زدہ متاثرین کے لئے بڑے پیمانے پر تیار گھروں کی فراہمی کے حوالے سے کوششیں جاری ہیں جوکہ سیلاب کے پانی کے اترتے ہی مختلف علاقوں میں شروع کیے جائیں گے۔
یہ خبر بھی پڑھیں ملتان، ایم ڈبلیو ایم کی جانب سے سیلاب متاثرین کیلئے امدادی ٹرک روانہ
انہوں نے مزید کہا کہ اس وقت جنوبی پنجاب کے ڈیرہ غازی خان ڈویژن اور دیگر اضلاع میں صوبائی صدر علامہ اقتدار نقوی، اندرون سندھ میں صوبائی صدر علامہ سید باقر زیدی اور صوبہ بلوچستان میں مرکزی رہنما علامہ مقصود علی ڈومکی کی زیر نگرانی امدادی سرگرمیاں جاری ہیں، گلگت بلتستان میں امدادی سرگرمیوں کو صوبائی صدر آغا علی رضوی اور مشیر وزیر اعلیٰ گلگت بلتستان الیاس صدیقی اور صوبہ خیبر پختونخوا کے مختلف متاثرہ علاقوں میں سیلاب سے متاثرہ علاقوں میں راشن تقسیم کرنے کا کام صوبائی صدر علامہ جہانزیب جعفری انجام دے رہے ہیں۔