نیتن یاہو اپنے قیدیوں کو بچالو! القسام بریگیڈز کے ترجمان کا انتباہ
شیعہ نیوز: حماس کے فوجی ونگ القسام بریگیڈز کے ترجمان ابو عبیدہ نے کہا ہے کہ صیہونی حکومت کے زندہ قیدیوں میں سے نصف ان علاقوں میں ہیں جہاں اسرائیلی فوج کو بمباری کا حکم دیا گیا ہے۔
حماس کے فوجی بازو القسام بریگیڈز کے ترجمان نے کہا ہم نے ان قیدیوں کو مذکورہ علاقوں سے منتقل نہ کرنے اور انہیں سخت حفاظتی اقدامات میں رکھنے کا فیصلہ کیا ہے، حالانکہ یہ اقدامات ان کی زندگیوں کے لیے انتہائی خطرناک ہیں۔
یہ بھی پڑھیں : غزہ میں بہتا بے گناہ مسلمانوں کا خون مسلم امہ کے ضمیر پر ایک سوالیہ نشان ہے، علامہ ناصر عباس جعفری
ابوعبیدہ نے خبردار کیا کہ اگر دشمن اپنے قیدیوں کی زندگیوں کے بارے میں واقعی فکر مند ہے، تو انہیں فوری طور پر اپنے قیدیوں کی رہائی کے لیے مذاکرات کرنا چاہیے۔
القسام بریگیڈز کے ترجمان کا کہنا تھا کہ ہم نے خبردار کیا ہے کہ اب ہم یہ ذمہ داری نہیں اٹھائیں گے۔
انہوں نے یہ بھی کہا کہ ان قیدیوں کی زندگی کی پوری ذمہ دار نیتن یاہو کی حکومت ہے۔ اگر وہ واقعی ان کی پرواہ کرتے تو وہ جنگ بندی معاہدے پر قائم رہتے اور شاید ان میں سے اکثر قیدی آج اپنے گھروں میں ہوتے۔
