کوئی طاقت اپنی سازشوں کے ذریعے ایرانی عوام ترقی سے نہیں روک سکتی، صدر پزشکیان

شیعہ نیوز: صدر ایران ڈاکٹر مسعود پزشکیان نے صوبہ البرز میں ایک اعلی سطحی اجلاس سے خطاب کرتے ہوئے کہا ہے کہ اسرائیل، یورپ اور امریکہ سمجھتے ہیں کہ ایران کمزور ہو گیا ہے جو ان کی خام خیالی ہے۔

انہوں نے کہا کہ کوئی طاقت ایرانی عوام کو اپنی سازشوں کے ذریعے آگے بڑھنے اور ترقی کرنے سے نہیں روک سکتی۔

یہ بھی پڑھیں : یمن پر امریکی جارحیت جاری، شہداء کی تعداد 107 ہو گئی

صدر پزشکیان کا کہنا تھا کہ مجھے یقین ہے کہ ایرانی عوام کی حمایت اور تعاون سے عظیم کارنامے رقم کیے جاسکتے ہیں۔ جب ہمیں یقین ہے کہ ہم اپنے پاؤں پر کھڑے ہو سکتے ہیں، تو ہم جو چاہیں کر سکتے ہیں۔

انہوں نے ترقیاتی کاموں کی رفتار تیز کرنے کی ضرورت پر زور دیتے ہوئے کہا کہ ہماری کوشش ہونی چاہیے کہ ہم آگے بڑھیں اور عوام کی خدمت کریں۔