پاراچنار بڑی تباہی سے بچ گیا، روز عاشور خودکش حملہ آور پکڑا گیا

شیعہ نیوز (پاکستانی شیعہ خبر رساں ادارہ) پاراچنار کے سرحدی گاؤں خرلاچی سےعوامی رضاکار فورس نے ایک خودکش حملہ آور کو گرفتار کرلیا۔

تفصیلات کے مطابق روز عاشور پاراچنار کے ایک سرحدی گاؤں خرلاچی سے عوامی رضاکار فورس کو اطلاع ملی کہ وہاں تین خودکش حملہ آور موجود ہیں ، جن میں سے ایک کو عوامی رضاکار فورس نے بروقت کاروائی کرتے ہوئے اپنی حراست میں لے لیا ہے۔

شدید چیکنگ اور چیک پوسٹس کی بہتات کے باوجود پاک افغان بارڈر پر واقع گاؤں خرلاچی میں عوامی رضاکاروں نے مبینہ طور پر تین خودکش حملہ آوروں میں سے ایک کو اپنی حراست میں لے لیا ہے، جبکہ دو افراد بھاگنے میں کامیاب ہوگئے ہیں۔ خودکش حملہ آور کو حوالے کرنے کیلئے حکومت عوام پر شدید دباؤ ڈال رہی ہے تاہم عوام کا کہنا ہے کہ اسے انجمن حسینیہ اور تحریک حسینی کے حوالے کریں گے۔