پشاور پولیس نے داعش اور ٹی ٹی پی کے 2 کمانڈر گرفتار کرلیے

شیعہ نیوز (پاکستانی شیعہ خبر رساں ادارہ) پشاور پولیس نے بڑی کاروائیاں کرتے ہوئے عالمی دہشتگرد تنظیم داعش پشاور کےکمانڈر اور کالعدم تحریک طالبان پاکستان کے کمانڈر کو گرفتار کرلیا۔

تفصیلات کے مطابق پشاور پولیس کے مطابق گرفتار کیا گیا داعش کا کمانڈر پشاور اور خیبر پختونخوا میں پولیس کی ٹارگٹ کلنگ میں ملوث ہے، جسے انسدادِ دہشت گردی ڈیپارٹمنٹ (سی ٹی ڈی) کے حوالے کر دیا گیا ہے۔

پشاور پولیس کا کہنا ہے کہ مردان پولیس حملے میں ملوث کالعدم ٹی ٹی پی کے کمانڈر حسن کو بھی گرفتار کیا گیا ہے۔

یہ خبر بھی پڑھیں مسئلہ کشمیر کے ہوتے امن نہیں ہوگا، آرمی چیف

پشاور پولیس کے مطابق گزشتہ ماہ پولیس وین پر دستی بم حملے میں ایک اہلکار شہید اور دوسرا زخمی ہوا تھا۔

پشاور پولیس نے مزید بتایا کہ گرفتار کالعدم ٹی ٹی پی کے کمانڈر حسن کو بھی مزید تفتیش کے لیے انسدادِ دہشت گردی ڈیپارٹمنٹ (سی ٹی ڈی) کے حوالے کیا گیا ہے۔

پشاور پولیس نے یہ بھی بتایا ہے کہ گرفتار کالعدم ٹی ٹی پی کے کمانڈر کے مردان میں موجود 2 سہولت کاروں کو بھی گرفتار کر لیا گیا ہے۔