پاکستانی شیعہ خبریںہفتہ کی اہم خبریں

پی پی پی کے رہنما فیصل کریم کنڈی کی وفد کے ھمراہ علامہ راجہ ناصر عباس سے ملاقات، سانحہ مچھ پر اظہار تعزیت

ہزارہ کمیونٹی کے معصوم افراد کاجس بے دردی سے قتل کیا گیا اس کی مثال نہیں ملتی، پی پی پی رہنمافیصل کریم کنڈی کی علامہ راجہ ناصرعباس سے گفتگو
پاکستان پیپلز پارٹی کےمرکزی سیکرٹری اطلاعات و سابق ڈپٹی سپیکرقومی اسمبلی فیصل کریم کنڈی نے اپنے وفد کے ہمراہ مجلس وحدت مسلمین پاکستان کے سربراہ علامہ راجہ ناصر عباس جعفری سے ان کی رہائش گاہ پر ملاقات کی اور سانحہ مچھ پر تعزیت کا اظہار کیا۔

اس موقع پر مرکزی ڈپٹی سیکریٹری جنرل ایم ڈبلیو ایم سید ناصر عباس شیرازی بھی موجود تھے، پیپلزپارٹی کے وفد نے کہا کہ ہزارہ کمیونٹی کے معصوم افراد کاجس بے دردی سے قتل کیا گیا اس کی مثال نہیں ملتی۔ذمہ دار عناصر کو عبرتناک انجام سے دوچار کر کے اہل خانہ کو انصاف فراہم کرنا ریاست کی ذمہ داری ہے۔دہشت گردی کے عفریت نے اس ملک سے ایسی قیمتی شخصیات چھینی ہیں جن کا کوئی نعم البدل نہ تھا۔ ہماری رہنما محترمہ بے نظیر بھٹو کو بھی اسی دہشت گردی کے نتیجے میں جان سے ہاتھ دھونے پڑے۔

علامہ راجہ ناصر عباس جعفری نے کہا کہ دہشت گرد قومی سلامتی اور استحکام کے دشمن ہیں۔جب تک وطن عزیز کو ان کے غلیظ وجود سے پاک نہیں کیا جاتا تب تک ملک کا کوئی بھی شہری محفوظ نہیں۔انہوں نے قومی سلامتی کے ذمہ دار اداروں سے مطالبہ کیا کہ سانحہ مچھ میں ملوث شدت پسندوں کے خلاف ٹارگٹڈ آپریشن کرتے ہوئے ان ٹھکانوں کو تباہ کیا جائے جنہیں دہشتگردوں نے اپنی محفوظ پناہ گاہ سمجھ رکھا ہے۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close