ایران کی خودمختاری کی خلاف ورزی کی صورت میں امریکی اڈے محفوظ نہیں رہیں گے، قالیباف
شیعہ نیوز: ایرانی پارلیمنٹ کے اسپیکر نے ملک کے خلاف حالیہ امریکی دھمکیوں پر سخت ردعمل کا اظہار کرتے ہوئے خبردار کیا ہے کہ ایران کی خودمختاری کی خلاف ورزی کی صورت میں امریکی اڈے محفوظ نہیں رہیں گے۔
رپورٹ کے مطابق، ایرانی پارلیمنٹ کے اسپیکر باقر قالیباف نے خبردار کیا کہ ایران کی خودمختاری کی خلاف ورزی کی صورت میں امریکی اڈے محفوظ نہیں رہیں گے۔
انہوں نے مزید کہا کہ اگر امریکی ایران کی سرحدوں کی خلاف ورزی کرتے ہیں، تو یہ ان کے لئے بارود کے ڈھیر میں چنگاری ثابت ہوگی جو پورے خطے کو بھسم کر ڈالے گی اور ان کے اڈے اور اتحادی محفوظ نہیں رہیں گے۔
یہ بھی پڑھیں : ڈانسر مہک ملک کی سرگودھا کی دیوبند مسجد آمد، علماءکا بغیر ہوکر گرمجوشی سے استقبال
قالیباف نے کہا کہ امریکہ بظاہر مذاکرات کا مطالبہ کرتا ہے جبکہ وہ سفارت کاری نہیں چاہتا بلکہ اپنے مطالبات مسلط کرنے اور ایران کے دفاع کو کمزور کرنے کی کوشش کر رہا ہے، امریکی رہنما ایران کے اقتصادی مفادات کو نقصان پہنچانے کے ساتھ ہمیں دفاعی صلاحیتوں سے بھی محروم کرنا چاہتے ہیں۔
انہوں نے امریکہ کے حالیہ خط کے بارے میں کہا کہ یہ خط امریکی غنڈہ گردی کی علامت ہے، ہم میدان جنگ میں مضبوطی سے کھڑے ہیں، ہم خطرات سے نہیں ڈرتے، تاہم امریکی اچھی طرح جانتے ہیں کہ وہ کتنے کمزور ہیں، اگر وہ ایران کی رید لائن کو عبور کرتے ہیں، تو پورے خطے میں ان کے اڈے اور اتحادیوں کے ٹھکانے محفوظ نہیں رہیں گے۔
