یوم القدس بھرپور طور پر منایا جائے، علامہ سید ساجد علی نقوی
سامراج اور و استعماریت اس حد تک پاگل ہو چکے ہیں کہ اسے بین الاقوامی سرحدوں ،قوانین اور چارٹرز تک کی پرواہ نہیں، ان مظالم کیخلاف جمعة الوداع 27 رمضان المبارک کو ملک بھر میں یوم القدس بھر پور طریقے سے منایا جائے
شیعہ نیوز: علامہ سید ساجد علی نقوی کہتے ہیں کہ جمعة الوداع کو یوم القدس بھر پو ر طور پر منایا جائے۔ تمام طبقات سے یوم القدس کے سیمینارز،اجتماع اور ریلیوں میں بھر پور شرکت کی اپیل کرتے ہوئے کہا کہ فلسطینیوں پر ظلم کے پہاڑ ٹوٹ چکے سامراج و صہیونیت نے انسانیت سوز مظالم جس طرح ڈھائے، عورتوں، بچوں اور بزرگوں کیساتھ اسپتالوں، این جی اوز ، صحافیوں اور امدادی سرگرمیوں کو جس طرح نشانہ بنایا وہ اس کی درندگی اور سفاکیت کا منہ بولتا ثبوت ہے۔
یہ بھی پڑھیں: مسئلہ فلسطین پر شہید ابراہیم رئیسی کی توجہ عالمی سطح پر مثالی تھی، سربراہ انصار اللہ
سامراج اور و استعماریت اس حد تک پاگل ہو چکے ہیں کہ اسے بین الاقوامی سرحدوں ،قوانین اور چارٹرز تک کی پرواہ نہیں، ان مظالم کیخلاف جمعة الوداع 27 رمضان المبارک کو ملک بھر میں یوم القدس بھر پور طریقے سے منایا جائے۔ آخر میں علامہ ساجد نقوی نے کہاکہ جب تک قبلہ اول کی آزادی اور مظلوم فلسطینیوں کو ان کا حق نہیں دیا جائے گا احتجاج جاری رہے گا۔
