کوئٹہ دھماکا امن دشمنوں کی پاکستان میں عدم استحکام پیدا کرنیکی سازش ہے، عثمان بزدار

شیعہ نیوز (پاکستانی شیعہ خبر رساں ادارہ) وزیراعلٰی پنجاب کا کہنا ہے کہ معصوم لوگوں کا ناحق خون بہانے والے دہشت گرد انسانیت کے دشمن ہیں، قوم کے اتحاد سے ملک دشمن عناصر کے مذموم عزائم ناکام بنائیں گے۔

زررائع کے مطابق میڈیا سے بات کرتے ہوئے وزیراعلٰی پنجاب سردار عثمان بزدار نے کوئٹہ کے نواحی علاقے کچلاک کی مسجد میں دھماکے کی شدید مذمت کرتے ہوئے دھماکے میں قیمتی انسانی جانوں کے ضیاع پر دکھ اور افسوس کا اظہار کیا ہے۔ عثمان بزدار نے جاں بحق افراد کے لواحقین سے دلی ہمدردی اور تعزیت کا اظہار کرتے ہوئے زخمیوں کی جلد صحت یابی کے لئے دعا کی ہے۔ وزیراعلٰی پنجاب کا کہنا تھا کہ دھماکہ، امن دشمنوں کی پاکستان میں عدم استحکام پیدا کرنے کی سازش ہے، پاکستانی قوم دہشت گردی کے خلاف یکسو اور متحد ہے۔ انہوں نے کہا کہ دہشت گرد بزدلانہ کارروائیوں کے ذریعے قوم کے عزم کو متزلزل نہیں کر سکتے۔وزیر اعلیٰ پنجاب عثمان بزدار کا مزید کہنا ہے کہ معصوم لوگوں کا ناحق خون بہانے والے دہشت گرد انسانیت کے دشمن ہیں، قوم کے اتحاد سے ملک دشمن عناصر کے مذموم عزائم ناکام بنائیں گے۔