امریکا کا فون آنے سے پہلے عمران خان کو رہا کر دیں، یہی سب کیلئے بہتر ہے، مشاہد حسین

شیعہ نیوز: مسلم لیگ نون کے رہنماء اور سینیئر سیاستدان مشاہد حسین نے انکشاف کیا کہ سسٹم میں رہنے کے لئے نواز شریف کو صدر بنائے جانے کی تجویز دی گئی تھی۔ نجی چینل کو دیئے جانے والے انٹرویو میں مشاہد حسین سید کا کہنا تھا کہ نواز شریف کو کہا تھا اگر سسٹم میں آنا ہے تو صدر پاکستان بن جائیں، وزیراعظم بننے کا کوئی چانس نہیں۔ لیگی رہنماء نے بتایا کہ ملک میں مینڈیٹ کا یہ حال ہے کہ نگران وزیراعظم موجودہ حکومت کو تڑی لگا رہا ہے کہ چپ ہو جاؤ، ورنہ فارم سینتالیس کی حقیقت کھول دوں گا۔ عمران خان کے حوالے سے انکا کہنا تھا کہ امریکا کا فون آنے سے پہلے عمران خان کو رہا کر دیں، یہی سب کے لئے بہتر ہے۔