مجلس وحدت مسلمین کا تحفظ حقوق تشیع کانفرنس کا اعلان
شیعہ نیوز (پاکستانی شیعہ خبر رساں ادارہ) تحفظ حقوق تشیع کانفرنس کا انعقاد مجلس وحدت مسلمین ضلع اسلام آباد اور راولپنڈی کے زیر انتظام کیا جائے گا۔ جس میں راولپنڈی ڈویژن اور اسلام آباد کے آئمہ جمعہ ،بانیان مجالس،ٹرسٹیز، ماتمی سنگتوں کے سالار و ملت جعفریہ کے نمائندہ افراد کو دعوت دی جائے گی۔
تفصیلات کے مطابق پاکستان میں بیرونی دباؤ کے تحت ملت تشیع پاکستان کے حقوق کی پامالی کیلئے ہر سطح پر جاری کوششوں کے جواب میں۔ مجلس وحدت مسلمین نے دفاع حقوق تشیع کیلئے میدان میں آنے کا اعلان کردیا ہے۔ اس سلسلے میں پہلی تحفظ حقوق تشیع کانفرنس کا انعقاداسلام آباد میں کیا جارہا ہے۔
اس کانفرنس کی مرکزی انتظامی کمیٹی کا اہم اجلاس ایم ڈبلیو ایم کے سنٹرل سیکرٹریٹ اسلام آباد میں منعقد ہوا۔ جس میں راولپنڈی،اسلام آباد،مجلس علماء، شیعہ میڈیا اور سنٹرل سیکرٹریٹ کے نمائندوں نے شرکت کی۔
یہ خبر بھی پڑھیں میں (گستاخِ امام زمانہ) حق نواز جھنگوی ملعون کا مشن آگے بڑھاؤں گا
اجلاس کی صدارت عزاداری ونگ مجلس وحدت مسلمین پاکستان مرکزی صدر ملک اقرار حسین علوی نے کی۔ اس موقع پر رکن شوری عالی علامہ اقبال بہشتی نے بھی حصوصی شرکت کی۔ اجلاس میں فیصلہ کیا راولپنڈی اسلام آباد کےخواص اور علماء کو دعوت دی جائے گی اور مختلف دعوتی کمیٹیاں بھی بنائی گئیں۔جو تمام تنظیموں، علما کرام ،انجمنوں اور سنگتوںکے سالاروں کو دعوتی مہم کا آغاز کرینگے۔
اجلاس کا آغاز تلاوت قرآن پاک اور تذکر اخلاقی ماہ شعبان کی فضیلت کے موضوع پر علامہ اقبال بہشتی نے گفتگو کی۔ ملک کی۔موجودہ سیاسی صورتحال اور اس کانفرنس کے انعقاد کے اہداف کے حوالے سے۔ ملک اقرار حسین علوی نے تفصیلی گفتگو کی اور ملت جعفریہ کیخلاف ہونیوالی سازشوں اور ان کے تدارک حوالے سے حکمت عملی پہ روشنی ڈالی۔ انشاءاللہ ملک کے تمام ڈویژنل ہیڈکوارٹرز پہ مرحلہ وار تحفظ حقوق تشیع کانفرنسز منعقد کی جائیں گی۔
