
مشرق وسطیہفتہ کی اہم خبریں
عراق کی مقاومت اسلامی نے حیفا بندرگاہ پر ڈرون حملہ کردیا
شیعہ نیوز: عراق کی مقاومت اسلامی تنظیم نے بدھ اور جمعرات کی درمیانی رات کو مقبوضہ سرزمینوں میں واقع حیفا بندرگاہ پر حملہ کردیا۔
مقاومت اسلامی نے اس سلسلے میں ایک باضابطہ بیان جاری کیا جس میں درج ہے کہ فلسطین کے مظلوم عوام پر صیہونیوں کے مظالم کے جواب میں حیفا بندرگاہ کو ڈرون حملے کا نشانہ بنایا گیا۔
یہ بھی پڑھیں : ہم نے غزہ اور لبنانی سرحد سے کچھ فوجیوں کو واپس بلا لیا، اسرائیل کا دعویٰ
اس بیان میں درج ہے کہ دشمنوں کی مکمل نابودی تک ان کے مراکز اور ٹھکانوں پر حملہ جاری رہے گا۔
قابل ذکر ہے کہ غزہ پر صیہونیوں کے وحشیانہ حملے کے جواب میں اسلامی استقامتی تنظیموں نے صیہونیوں اور علاقے میں ان کے مفادات کو نشانہ بنانا شروع کردیا جس کے نتیجے میں اسرائیل اور اس کے حامیوں کے تمام منصوبوں پر پانی پھر گیا۔