چھے صہیونی یرغمالیوں کو رہا کرنے میں مکمل شکست ہوگئی ہے، ڈینیل ہاگری

شیعہ نیوز: صہیونی فوجی ترجمان ڈینیل ہاگری نے اعتراف کیا ہے کہ غزہ میں چھے صہیونی یرغمالیوں کو رہائی دلوانے میں اسرائیلی فوج کو مکمل شکست ہوگئی ہے۔

الجزیرہ نے کہا ہے کہ گذشتہ ایک سال کے دوران غزہ میں ہر طرح کے مظالم اور جارحیت کے باوجود اسرائیلی فوج اپنے اہداف کے حصول میں ناکام ہوگئی ہے۔

صہیونی فوجی ترجمان ڈینیل ہاگری نے اعتراف کیا ہے کہ فوج کو حماس کے پاس موجود یرغمالیوں کو رہائی دلوانے میں مکمل شکست ہوگئی ہے۔

یہ بھی پڑھیں : شامی فوج کے حملے میں 300 تکفیری دہشت گرد ہلاک

انہوں نے کہا کہ ایک دفعہ ہماری فوج اور چھے یرغمالیوں کے درمیان صرف 120 میٹر کا فاصلہ تھا۔ خان یونس میں ہماری فوج نے اس مقام پر بمباری کی جہاں یرغمالیوں کو رکھا گیا تھا۔

ترجمان نے یرغمالیوں کی ہلاکت میں صہیونی فوج کی غلطی کی طرف اشارہ کیے بغیر کہا کہ شاید حماس نے چھے یرغمالیوں کو ہلاک کردیا ہے۔

انہوں نے کہا کہ ایک یرغمالی ایتای سفیرسکی کی لاش غزہ کے جنوب سے برامد کی گئی ہے۔ ان کو حماس نے زندہ گرفتار کرنے کے بعد غزہ منتقل کردیا تھا۔