آج شہید استاد سبط جعفر کا 12واں یوم شہادت منایا جا رہا ہے
سال 2013ء ملت جعفریہ پاکستان پر کسی قیامت سے کم نہیں تھا ، اس برس جہاں سینکڑوں شیعہ علماء، نوجوان، ڈاکٹرز، تاجر اور اساتذہ تکفیری وہابی دہشتگردوں کے ہاتھوں بےدردی سے شہید کیئے گئے وہیں اس ملک و قوم اور مکتب اہل بیتؑ کے ایک عظیم فرزند، ماہر تعلیم و قانون، رونق فرش عزا پروفیسر سید سبط جعفرزیدی ؒ کو بھی شہید کرکے ایک ناقابل تلافی نقصان پہنچایا گیا
شیعہ نیوز: دنیائےسوزخوانی کا درخشاں ستارہ ،عالمی شہرت یافتہ شاعر استاد شہید سید سبط جعفرزیدی ؒ کو بچھڑے آج 12 برس بیت گئے، لیکن ان کی یاد، ان کے اشعار، ان کی آواز آج بھی ان کے مداحوں کے کانوں میں گونج رہی ہے۔
سال 2013ء ملت جعفریہ پاکستان پر کسی قیامت سے کم نہیں تھا ، اس برس جہاں سینکڑوں شیعہ علماء، نوجوان، ڈاکٹرز، تاجر اور اساتذہ تکفیری وہابی دہشتگردوں کے ہاتھوں بےدردی سے شہید کیئے گئے وہیں اس ملک و قوم اور مکتب اہل بیتؑ کے ایک عظیم فرزند، ماہر تعلیم و قانون، رونق فرش عزا پروفیسر سید سبط جعفرزیدی ؒ کو بھی شہید کرکے ایک ناقابل تلافی نقصان پہنچایا گیا۔
شہید کے ہزاروں شاگرد ترویج عزاداری اور سوزخوابی کے ان کے مشن کی تکمیل کے لئے اب بھی رات دن کوشاں ہیں اور ان شہید استاد کی تعلیمات اور ان کے فکر وفلسفے کی روشنی میں سوزخوانی کی صنف کو زندہ رکھے ہوئے ہیں، واضح رہے کہ شہید استاد سبط جعفرزیدی ؒ کا شماردنیا کے نامور اردو شعراء اور سوزخوانوں میں ہوتاہے، شہید استاد سبط جعفرزیدی سوزخوانی کے ساتھ ساتھ سلسلہ تدریس سے بھی وابستہ تھے۔
یہ بھی پڑھیں: محب اہلبیت شہید امجد صابری کو ہم سے بچھڑے 9 سال بیت گئے
شہید استاد کو 12 برس قبل 18مارچ 2013 کو تکفیری دہشتگردوں نے اس وقت فائرنگ کرکے شہید کر دیا تھا جب وہ تدریس علم کے فرائض کی انجام دہی کے بعد گورنمنٹ کالج فار مین قاسم آباد لیاقت آباد سے بذریعہ موٹر سائیکل اپنے گھر جارہے تھے، کہ گھات لگائے تکفیری دہشتگردوں ان پر خودکار ہتھیاروں سے گولیوں کی بوچھاڑ کردی جس سے وہ موقع پر ہی جام شہادت نوش کرگئے، انہیں 12گولیاں لگیں، شہید استاد سبط جعفر زیدی نےگورنمنٹ کالج فار مین قاسم آباد لیاقت آباد لیکچرار کی حیثیت سے طویل عرصہ تک اپنی ذمہ داریاں انجام دیں بعد ازاں گریڈ 21 میں ترقی پاکر اسی کالج کے پرنسپل مقرر ہوئے لیکن تا دم شہادت پرنسپل کی نشست پر کبھی تشریف آور نا ہوئے۔
امروہہ گراؤنڈ انچولی سوسائٹی میں ان کا عظیم الشان نمازجنازہ کا اجتماع منعقد ہوا جس میں ہزاروں کی تعدادمیں ان کے چاہنے والوں، علمائے کرام، ذاکرین عظام، شعراء، منقبت خوانوں، نوحہ خوانوں، سیاسی و سماجی شخصیات اور تمام شعبہ ہائے زندگی سے تعلق رکھنے والوں نے شرکت کی اور ان کا جسد خاکی ایک بڑے جلوس کی شکل میں قبرستان وادی حسینؑ لے جایا گیا جہاں انہیں ہزاروں چاہنے والوں کی آہوں اور سسکیوں میں سپرد لحد کردیا گیا۔
ہم اپنے تمام قارئین سے شہید استاد سبط جعفر زیدی سمیت تمام شہدا ملت جعفریہ کے ایصال ثواب کے لیے سورہ فاتحہ کی التماس کرتے ہیں۔
