شھید قاسم سلیمانی کے قاتل ڈونلڈ ٹرمپ کی ایک اور تاریخی ذلت
شیعہ نیوز (پاکستانی شیعہ خبر رساں ادارہ) شہید مدافع حرم سردار قاسم سلیمانی کے قاتل سابق امریکی صدر ڈونلڈ ٹرمپ کو ایک اور تاریخی ذلت کا سامنا کرنا پڑرہا ہے۔
تفصیلات کے مطابق ٹوئٹر نے سابق امریکی صدر ڈونلڈ ٹرمپ پر اپنے سوشل میڈیا پلیٹ فارم کے دروازے ہمیشہ کے لیے بند کر دیے۔
ٹوئٹر کی جانب سے ٹرمپ کو واضح اور سخت پیغام دیا گیا ہے کہ سابق امریکی صدر ڈونلڈ ٹرمپ اگر دوبارہ بھی صدر منتخب ہو گئے تو انہیں ٹوئٹر استعمال کرنے کی اجازت نہیں دی جائے گی۔
یہ خبر بھی پڑھیں ایران کو تنہاکرنے کی امریکی، اسرائیلی اور سعودی کوششیں ناکام
دوسری جانب سابق صدر ٹرمپ کے خلاف سینیٹ میں مواخذے کی کارروائی کے دوسرے دن ایوان نمائندگان کے ممبران نے دلائل دیے۔ ٹرمپ کے مواخذے میں انتخابی نتائج تسلیم نہ کرنے اورحامیوں کو تشدد پر اکسانے کے بیانات اور نئی ویڈیوز پیش کی گئیں۔
واضح رہے کہ امریکی پارلیمنٹ کیپیٹل ہل پر ٹرمپ کے حامیوں کے حملے کے وقت سابق امریکی صدر نے تشدد کی حوصلہ افزائی کی تھی جس پر ٹوئٹر اور فیس بک سمیت دیگر سوشل میڈیا پلیٹ فارمز نے ان پر پابندی عائد کرتے ہوئے ان کے اکاؤنٹس معطل کر دیے تھے۔
