ماسکو پر یوکرین کے ڈرون حملے، ایک شخص ہلاک اور چھے زخمی

شیعہ نیوز: ماسکو پر یوکرین کےکل صبح کے ڈرون حملے میں ایک شخص ہلاک اور چھے دیگر زخمی ہو گئے جبکہ روسی ڈیفنس سسٹم نے دسیوں یوکرینی ڈرون طیاروں کو مار گرایا۔

ماسکو کے گورنر نے اعلان کیا ہے کہ ماسکو پر منگل کے روز یوکرین کے ڈرون حملے میں ایک شخص ہلاک اور چھے دیگر زخمی ہو ئے ہیں۔

یہ بھی پڑھیں : بنگلادیشی عدالت کی شیخ حسینہ واجد کی جائیداد ضبط کرنے کا حکم

روس کی وزارت دفاع نے دعوی کیا ہے کہ گزشتہ چوبیس گھنٹوں کے دوران روس نے صرف ماسکو کی فضا میں پرواز کرنے والے اکیانوے ڈرون طیاروں کو تباہ کیا جبکہ اسی مدت کے دوران پورے روس میں مار گرائے جانے والے ڈرون طیاروں کی تعداد تین سو سینتیس ہے۔

ماسکو کے میئر کا بھی کہنا ہے کہ ماسکو پر یوکرین کا اب تک کا یہ سب سے بڑا ڈرون حملہ تھا جس کو ناکام بناتے ہوئے اتنی بڑی تعداد میں ڈرون طیاروں کو مار گرایا گيا۔