پاکستانی شیعہ خبریںہفتہ کی اہم خبریں

جلوسوں کو خطرہ کس سے ہے؟ کیا امام حسین، سنی مسلمانوں کے امام نہیں؟ علامہ حافظ ریاض

شیعہ نیوز: وفاق المدارس الشیعہ پاکستان کے صدر علامہ حافظ سید ریاض حسین نجفی نے افسوس کا اظہار کیا ہے کہ سکیورٹی کے نام پر عزاداری کے جلوسوں اور مجالس کو گھیر لیا جاتا ہے، فوج طلب کرلی جاتی ہے۔ کیا کلمے کے نام پر بننے والے ملک میں نواسہ رسول کی یاد میں نکلنے والے جلوسوں کو مسلمانوں سے خطرہ ہے؟ کون ہے جو خود کو مسلمان بھی کہلوائے اور امام حسین ؑسے انکاری ہو؟ جامعتہ المنتظر لاہور میں خطاب کرتے ہوئے انہوں نے استفسار کیا کبھی آپ نے سوچا ہے کہ دنیا اور وطن عزیز پاکستان میں کتنے دھرنے دیئے جاتے ہیں اور جلوس نکلتے ہیں۔ آخر کیا وجہ ہے فوج صرف اس وقت بلائی جاتی ہے، جب محرم آتا ہے۔

انہوں نے کہا کہ ہماری فوج بڑی عظیم فوج ہے، غیرملکی دشمنوں اور اندرونی شرپسند عناصر سے حفاظت اس کی ذمہ داری ہے۔ الیکٹرانک اور پرنٹ میڈیا میں رپورٹ ہوا ہے کہ فوج کو باقاعدہ طور پر محرم الحرام کے جلوسوں کی حفاظت کیلئے طلب کر لیا گیا ہے۔ کیا امام حسین علیہ السلام کے جلوس کی حفاظت کرنی ہے؟ 97 فیصد مسلمان آبادی اور اسلام کے نام پر حاصل کئے گئے ملک میں نواسہ رسول کی شہادت کی یاد میں نکلنے والے جلوسوں کو خطرہ کس سے ہے؟ کیا امام حسین، سنی مسلمانوں کے امام نہیں؟ اگر امام حسینؑ کے نام سے جلوس نکلتا ہے تو فوج کو بلایا جاتا ہے، شر پسند عناصر کے ڈر سے، عید میلادالنبیﷺ اور محرم کے جلوسوں کی حفاظت کی جاتی ہے۔ ہر طرف سے ان کو گھیر لیا جاتا ہے کہ مسلمان ان پر حملہ نہ کر دیں۔ حیف! حیف! حیف!۔ کیا اسلامی ملک اس طرح ہوتے ہیں؟

انہوں نے کہا کہ گھر میں مجلس کریں اس کی اجازت لو کیوں؟ ایس ایچ او آ جاتا ہے کہ بغیر اجازت مجلس عزا منعقد کی تو ہم گرفتار کر لیں گے۔ لاحول و لا ۔۔، گھر میں انسان کچھ بھی کرتا رہے کسی کو حق نہیں ہے، داخل ہونے کا۔ حکم دیا گیا کہ کسی گھر میں اجازت کے بغیر داخل نہ ہوں۔ اگر کوئی اجازت نہ دے اور آپ کا باطن ٹھیک ہے تو فوراً واپس چلے جاو۔ ہمیں نہ کہو کہ گھر میں مجلس نہیں ہو سکتی۔ پاکستان اسلام ، لا الہ الا اللہ کے نام پر بنا ہے ، لاالہ الا اللہ کے کلمے کو بچانے کیلئے امام حسینؑ نے اپنی اولاد، جان، خون دے رہے ہیں۔ بہنوں، بچیوں کا پردہ دے رہے ہیں۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button