جنوبی شام کے بعض علاقوں میں صیہونی فوجیوں کی دراندازی

شیعہ نیوز :  غاصب صیہونی فوجیوں نے جنوب مغربی شام کے صوبہ قنیطرہ کے چند نئے علاقوں میں بھی دراندازی کی ہے

رپورٹ کے مطابق صہیونی فوجیوں نے جنوب مغربی شام کے صوبہ قنیطرہ کے مضافات میں واقع قصبے جباتا الخشب میں دراندازی کی ہے۔

اس دراندازی سے متعلق مزید اطلاعات جاری نہیں کی گئی ہیں۔

یہ بھی پڑھیں : بلوچستان: جعفر ایکسپریس پر دہشتگردوں کا حملہ، متعدد شہید، سینکڑوں اغواء

صیہونی فوجیوں نے یہ جارحانہ اقدام جبل الشیخ کے معائنے کے وقت صیہونی وزیر جنگ کے اس بیان کے تھوڑی دیر بعد انجام دیا ہے جس میں انھوں نے کہا تھا کہ اسرائیلی فوج شام میں وسیع تر علاقوں پر تسلط کی تیاری کررہی ہے۔

صیہونی حکومت کے وزیر جنگ نے کہا ہے کہ شام کی عبوری حکومت کے سربراہ الجولانی ہر صبح اپنی آنکھیں کھلنے کے بعد جبل الشیخ میں اسرائیلی فوجیوں کو دیکھیں گے اور انہیں یاد آجائے گا کہ ہم شام میں موجود ہیں۔