پاکستان عوامی تحریک نے مجلس وحدت مسلمین کو بھکر میں ماموں بنا دیا
شیعہ نیوز (پاکستانی خبر رساں اداراہ) پاکستان عوامی تحریک نے مجلس وحدت مسلمین کو ہری جھنڈی دکھا دی ہے۔ تفصیلات کے مطابق بھکر کے انتخابات میں طے شدہ پروگرام کے مطابق مشاورت سے مشترکہ امیدوار کھڑا کرنا تھا تاہم پاکستان عوامی تحریک نے اپنی اتحادی جماعت مجلس وحدت مسلمین کو بائی پاس کرکے نذر عباس کہاوڑ اپنا امیدوار نامزد کردیا۔ اس ضمن میں جب ایم ڈبلیو ایم کے ذمہ داران سے رابطہ کیا گیا تو انہوں نے اس بات پر لاعلمی کا اظہار کیا۔ دوسری جانب پاکستان عوامی تحریک کی جانب سے اس اقدام پر ایم ڈبلیو ایم کے ذمہ داران میں شدید ناراضگی پائی جاتی ہے۔ اس موقع پر ذرائع نے بتایا ہے کہ ایم ڈبلیو ایم کے مرکزی سیکریٹری سیاسیات ناصر عباس شیرازی کو بھی اس اقدام سے لاعلم رکھا گیا تھا۔ پاکستان عوامی تحریک کی جانب سے اس اقدام پر شیعہ حلقوں میں شدید تشویش پائی جارہی ہے اور یہ تاثر قائم ہورہا ہے کہ ابھی شروعات میں صورتحال یہ ہے تو پھر آگے مزید کیا کیا واقعات رونما ہوسکتے ہیں، اس حوالے سے کچھ بھی کہنا قبل از وقت ہے۔