ملتان، ایم ڈبلیو ایم اور آئی ایس او کے زیراہتمام شہدائے پشاور کی یاد میں چہلم کی تقریب

شیعہ نیوز (پاکستانی شیعہ خبر رساں ادارہ) مجلس وحدت مسلمین پاکستان اور امامیہ اسٹوڈنٹس آرگنائزیشن پاکستان کے زیراہتمام آرمی پبلک سکول پشاور میں شہید ہونے والوں بچوں کے چہلم کی مناسبت سے چوک نواں شہر ملتان میں تقریب منعقد کی گئی۔ تقریب کی صدارت مجلس وحدت مسلمین پنجاب کے ڈپٹی سیکرٹری جنرل علامہ سید اقتدار حسین نقوی، امامیہ اسٹوڈنٹس آرگنائزیشن پاکستان ملتان کے صدر ڈاکٹر قمر علی رضانے کی۔ اس موقع پر مجلس وحدت مسلمین اور آئی ایس او کے کارکنان کی ایک بڑی تعداد موجود تھی۔ چہلم کے موقع پر شہدائے کو خراج تحسین اور زخمیوں سے اظہار یکجہتی کے لیے شمعیں روشن کی گئیں۔ آخر میں شہدائے پشاور کی بلندی درجات اور زخمیوں کی صحتیابی کے لے خصوصی دعا کرائی گئی۔ اس موقع پر علامہ غلام مصطفیٰ انصاری، علامہ مظہر عباس، سید دلاور عباس زیدی، سخاوت علی، وسیم عباس زیدی اور حسنین انصاری، قاسم جعفری اور دیگر موجود تھے۔