پشاور، دہشتگردی کا منصوبہ ناکام، پانچ بم ناکارہ بنا دیئے گئے

شیعہ نیوز (پاکستانی شیعہ خبر رساں ادارہ)بم رنگ روڈ جمیل چوک میں بجلی کے ٹاور کے قریب نصب کئے گئے تھے، پولیس کا سرچ آپریشن ، کوئی گرفتاری نہیں ہوسکی۔ذرائع کے مطابق تکفیری دہشتگردوں کی جانب سے پشاور میں رنگ روڈ جمیل چوک کے قریب بجلی کے ٹاور کے ساتھ نصب پانچ بم ناکارہ بنا دیئے گئے۔ دیسی ساختہ پانچ بم پریشرککر میں نصب تھے جو رنگ روڈ کے قریب 132 کے وی کے بجلی کے ٹاور کے ساتھ نصب کئے گئے تھے۔ مقامی لوگوں کی اطلاع پر پولیس موقع پر پہنچی جس نے بم ڈسپوزل یونٹ کو طلب کرلیا ۔ بی ڈی یو نے موقع پر پہنچ کر پانچوں بموں کوناکارہ بنادیا ۔ بم ڈسپوزل یونٹ کے مطابق ہر بم کا وزن بیس کلوگرام تھا۔ پولیس نے علاقے کو گھیرے میں لے کر سرچ آپریشن بھی کیا تاہم کوئی گرفتاری عمل میں نہیں لائی جاسکی ۔ بم برآمد ہونے پر علاقے میں خوف و ہراس پھیل گیا