پاراچنار میں عبدالستار ایدھی کا تعزیتی ریفرنس منعقد
شیعہ نیوز ( پاکستانی شیعہ خبر رساں ادارہ ) پاراچنار کرم ایجنسی کے فلاحی ادارے حیدری بلڈ بینک اینڈ ویلفیئر سوسائٹی کے زیر اہتمام عبدالستار ایدھی کا تعزیتی ریفرنس منعقد ہوا۔ جس کے مہمان خصوصی اسسٹنٹ پولیٹیکل ایجنٹ اپر کرم شاہد علی خان جبکہ اراکین حیدری بلڈنگ بینک کے علاوہ دیگر افراد نے شرکت کی۔ اس موقع پر حیدری بلڈ بینک اینڈ ویلفیئر سوسائٹی کے جانب سے قرآن خوانی کا اہتمام بھی کیا گیا۔ تقریب سے خطاب کرتے ہوئے اسسٹنٹ پولیٹیکل ایجنٹ شاہد علی خان، جمیل کاظمی، منصب علی بنگش، جلال حسین بنگش، سید نجات حسین اور لیاقت علی نے کہا کہ عبدالستار ایدھی نے انسانیت کے لئے جو خدمات سرانجام دیئے ہیں۔ ان کو ہمیشہ کے لئے یاد رکها جائے گا۔ انہوں نے کہا کہ غریبوں اور یتیموں کا سہارا عبدالستار ایدھی کا مشن کو فیصل ایدھی کے شکل میں جاری و ساری رکها جائے گا۔ آخر میں عبدالستار ایدھی کے دراجات بلندی کے لئے دعا بھی کی گئی اور خراجِ تحسین پیش کرتے ہوئے چلڈرن پارک پاراچنار کو ایدھی پارک کے نام سے منسوب کرنے کا تجویز بھی پیش کیا گیا۔
