بدین، یوم عاشور کی مجالس اور جلوسوں کا سکیورٹی پلان تشکیل دے دیا گیا

شیعہ نیوز (پاکستانی شیعہ خبر رساں ادارہ) بدین میں یوم عاشور کی مجالس اور جلوسوں کا سکیورٹی پلان تشکیل دے دیا گیا، ضلع بھر کی چار تحصیلوں کی ایک، ایک امام بارگاہ کو حساس قرار دیا گیا ہے، ایس ایس پی آفس بدین سے حاصل کردہ معلومات کے مطابق 2000 سے زائد پولیس اہلکاروں کے ساتھ 10 رینجرز کی گاڑیاں اور ان کے جوان بھی اپنے فرائض انجام دیں گے، کسی بھی ناخوشگوار واقعہ سے نمٹنے کے لیئے فوج کو الرٹ رکھا گیا ہے۔ ضلع بدین میں 9 محرم الحرام کی شب سے لے کر دس محرم الحرام کے دن کی مجالس اور جلوسوں کی سیکیورٹی پلان کو تشکیل دے دیا گیا ہے۔ ایس ایس پی آفس سے حاصل کردہ معلومات کے مطابق مجالس اور جلوسوں کی سیکیورٹی کے لیئے پولیس کے 90 افسران سمیت 2020 کی نفری اپنے فرائض کو انجام دے گی جس میں 7 ڈی ایس پیز، 14 ایس ایچ اوز اور دیگر افسران کے ساتھ پولیس اہلکار شامل ہیں جبکہ 150 کی نفری شہدادپور اور حیدرآباد سے سندھ ریزرو پولیس کے بھی موجود ہونگے۔