ٹوبہ ٹیک سنگھ میں سی ٹی ڈی کی کارروائی، تکفیری گروہ داعش کے دہشتگرد گرفتار

شیعہ نیوز ( پاکستانی شیعہ خبر رساں ادارہ ) ٹوبہ ٹیک سنگھ میں سی ٹی ڈی نے کارروائی کرتے ہوئے عالمی تکفیری دہشتگرد گروہ داعش کی ذیلی تنظیم جماعت الاحرار کے 2 دہشتگردوں کو گرفتار کر لیا۔ ذرائع کے مطابق سی ٹی ڈی نے ٹوبہ ٹیک سنگھ کے نواحی علاقے میں خفیہ اطلاعات پر کارروائی کی جس دوران سکیورٹی فورسز نے 2 دہشتگردوں کو حراست میں لے لیا۔ ملزمان کے قبضے سے دھماکہ خیز مواد اور ڈیٹونیٹر برآمد کر لئے۔ ملزمان کمپیوٹر اور لیپ ٹاپ میں دھماکہ خیز مواد فٹ کر رہے تھے۔ پکڑے جانیوالے دہشتگردوں میں سمیع اللہ اور محمد شہزاد شامل ہیں۔ سی ٹی ڈی ذرائع کے مطابق دونوں دہشتگردوں کو تفتیش کیلئے نامعلوم مقام پر منتقل کر دیا گیا ہے۔ ملزمان نے ابتدائی تفتیش میں اعتراف کیا کہ ان کا تعلق کالعدم تحریک طالبان کے گروپ جماعت الاحرار سے ہے۔