کراچی میں 4 افغان طالبان دہشتگرد گرفتار، اسلحہ اور بارودی مواد برآمد

شیعہ نیوز (پاکستانی شیعہ خبر رساں ادارہ)کاؤنٹر ٹیررازم ڈیپارٹمنٹ نے شہر قائد کے علاقے ولیکا چورنگی میں کارروائی کرتے ہوئے 4 تکفیری دہشت گردوں کو گرفتار کرکے ان کے قبضے سے بھاری تعداد میں اسلحہ اور بارودی مواد بھی برآمد کرلیا۔ تفصیلات کے مطابق کراچی میں کاؤنٹر ٹیررازم ڈیپارٹمنٹ نے مصدقہ اطلاعات پر اورنگی کے علاقے ولیکا چورنگی کے قریب کارروائی کرکے 4 دہشت گردوں کو گرفتار کرکے ان کے قبضے سے بھاری تعداد میں اسلحہ اور دستی بم کے علاوہ خودکش جیکٹس بھی برآمد کئے ہیں۔ پولیس کا کہنا ہے کہ گرفتار کئے گئے تکفیری دہشت گردوں کی شناخت محمد عمران، محمد رحیم، تاج محمد اور راحت عمر کے نام سے ہوئی ہے، چاروں تکفیری دہشت گردوں کا تعلق اسلام دشمن پاکستان دشمن  تحریکِ طالبان افغانستان سے ہے، اور یہ افغانستان سے دہشتگردی کی تربیت لے کر آئے تھے